Signet forms

Signet forms er þægileg og einföld lausn fyrir þá sem vantar að láta undirrita eyðublöð eða skjöl. Mjög fljótlegt er að setja upp form/skjöl, þar sem Signet forms þjónustan býður upp á að taka á móti núverandi eyðublöðum og breyta þeim yfir á gagnvirk form þannig að hægt sé fylla þau út og undirrita rafrænt inni á Signet. Signet forms er tengt við helstu upplýsingaveitur og getur því sjálfkrafa sótt upplýsingar og einfaldað þannig ferlið til muna fyrir undirritandann.

Signet forms býður upp á nokkur ferli í tengslum við útfyllingu forma/skjala og einnig er hægt að hlaða inn viðbótargögnum sem fylgja forminu/skjalinu. Of langt mál er að telja upp öll möguleg ferli, en til viðbótar við hefðbundin feril má til dæmis nefna að læsa má formum þannig að eingöngu vissir aðilar geti fyllt formin út, hægt er að láta marga undirrita sama formið/skjalið, hægt er að hafa feril þar sem sá fyrsti sem fyllir formið út undirritar ekki heldur setur inn upplýsingar og síðan fer formið á annan aðila sem klárar að fylla út formið og undirritar.

Að undirritun lokinni býður Signet forms upp á nokkrar leiðir til að skila til baka undirritaða eyðublaðinu ásamt viðeigandi gögnum á XML formi. Þannig má til dæmis senda skjalið með Signet transfer, senda það á vefþjónustu, með tölvupósti eða flytja með FTP.

Signet forms er því þægileg og einföld leið sem býður upp á mikla möguleika við að setja formin þín á netið.